VINNUSTOFUR  

1. TRASH SOUNDS
2. TILRAUNAELDHÚSIÐ
3. Á MORGUN KOMA KRÓNUR UNDAN SNJÓNUM
4. SKRAN FEST
5. VEGGLISTAVINNUSTOFAN
   

TRASH SOUNDS

Leiðbeinandi:
Jack Armitage, Sigríður Birna Matthíasdóttir, Karl Jóhann Jóhannsso, Robin Morabito and Sean Patrick O’Brien from the Intelligent Instrument Lab.

︎︎︎ Website
︎︎︎ Instagram

Í vinnustofunni Trash Sounds hönnum við hljóðfæri með gervigreind úr endurunnum efnum með það að markmiði að flytja lifandi tónlist. Þátttakendur munu fást við efnislegra hljóðfærasmíði og tilraunakenndra hönnun ásamt því að forrita skapandi gervigreind sem umbreytir hreyfingu í hljóð sem og gagnvirka hljóðhönnun.

TILRAUNAELDHÚSIÐ

Leiðbeinandi:
Pola Sutryk.

︎︎︎ Instagram

Á þessari vinnustofu munu þátttakendur elda mat úr hráefnum sem myndu annars fara á haugana.  Þessi leið til matseldar bjargar fullkomnlega ætum matvælum og hráefnum frá því að teljast til úrgangs og endurlífgar þau með nýjum tilgangi.  Jafnframt munum við fræðast um gnægð villtra matvæla sem vaxa á Íslandi (hugsaðu með þér magnið af villtum jurtum, grænmeti, þangi og borgarjurtum sem vaxa og dafna ár hvert og nýtast ekki til matar.)  Þátttakendur uppgötva mismunandi leiðir til varðveislu matvæla (gerjun, súrsun, þurrkun).  Við snertum einnig á viðfangsefnum eins og moltugerð, vistrækt (permaculture) og borgargarðyrkju.

Saman skoðum við möguleika okkar og könnum tækifæri og hindranir staðbundinna aðstæðna.  Við skoðum hvað við getum gert, sem einstaklingar og sem samfélag, til minnka matarsóun eftir fremsta megni, ná fram sjálfbærari framtíð matvælaframleiðslu og tryggja aukið mataröryggi á Íslandi.

Vinnustofan fer fram í fullbúnu fageldhúsi FÚSK í Gufunesi. Hún er ætluð öllum þeim sem eru áhugasamir um betri nýtingu matvæla og rís hugur við þeirri matvælasóun sem viðgengst í dag.  Vinnustofan stendur öllum til boða óháð starfsgrein og fyrri reynslu.  Við munum vinna og læra saman, í virðingarfullu og öruggu umhverfi.  Við viljum að þátttakendur hafi virk áhrif á dagskrá smiðjunnar jafnóðum og því mun dagskráin taka breytingum á meðan að á henni stendur.

TILRAUNAELDHÚSIÐ er tilraunaeldhús sem leggur áherslu á fjöldan allan af leiðum til að framleiða, undirbúa og neyta matvæla.  Boðið verður upp á verklegt nám í fæðuöflun, gerjun eða moltugerð kynnumst við íslensku matvælakerfi og þróum sameiginlega leiðir til sjálfbærari framtíðar matvælaframleiðslu. Niðurstaða þessarar vinnustofu verður kvöldverður fyrir þátttakendur og gesti þeirra á föstudagskvöldið, engin matarsóun.

Á MORGUN KOMA KRÓNUR UNDAN SNJÓNUM

Leiðbeinandi:
Sindri Sigurðsson (architect), 
Auður Inez Sellgren (designer), 
Gunnar Örn Egilsson (architect), 
Anton Svanur Guðmundsson (architect),
Óskar Örn Arnórsson  (architect)
Kateřina Blahutová (architect).

Hönnunarhópurinn Slökkvistöðin býður öllum áhugasömum um arkitektúr og sjálfbærni að taka þátt í skapandi og “hands-on” vinnustofu á Rusl hátíðinni. Hver þátttakandi eða hópur vinnur að því að þróa sína eigin tilraunakenndu hönnun og/eða kerfi. Við stefnum að því að búa til módel úr endurunnum efnum í raunstærð t.d. gólf, þakkerfi, stól eða framhlið. Eftir að hafa búið ný verðmæti úr hráefnum sem áður voru álitin rusl munu þátttakendur yfirgefa vinnustofuna með nýjar hugmyndir til að að nota í framtíðarverkefnum, í formi teikninga og kolefnissporssamanburðar.

Í vinnustofunni er unnið með arkitektúr og sjálfbærni að leiðarljósi. Við endurvinnum “rusl” -efni sem annars yrði fargað í tilraunakennda byggingahluta í skalanum 1:1.

SKRAN FEST

Leiðbeinandi:
FÚSK, Institut for (X) (DK) and Blivande (SE).



︎︎︎ FÚSK
︎︎︎ Institut for (X)
︎︎︎ Blivande

FÚSK leitar af þúsundþjalasmiðum, utangarðsómögum, auðnuleysingjum og annars konar flökkufólki og förukonum.  Vinnustofan snýst um uppbyggingu á svæðinu, hands-on lausnir og nýtingu afgangsefna úr byggingar- og kvikmyndaiðnaðinum.  Byggingariðnaðurinn skilur eftir sig eitt stærsta kolefnisfótspor heims og er því stappfullur af möguleikum á nýjum leiðum til endurnýtingar, endurvinnslu og minnkun á óþarfa sóun.  Vinnustofan er unnin í samstarfi við menningarrýmin Institut for X (DK) og Blivande (SE).


“Don’t accept the city as it is. Create your own spaces and environments and make the city your own” (This is X, 2015: 387)

Verkefnarýmið FÚSK er opin samfélagslega drifin rannsóknarstofa. Endurhugsum eigið umhverfi og mörkum okkar spor innan borgarveggjanna.